Plantando froiteiras

E xa estamos en decembro. Aproveitamos estes meses de menos colleitas para ir traballando na infraestructura da finca, e en seguir aumentando as liñas de plantación de froiteiras.

Nas primeiras semáns trasplantamos varios castiñeiros que tiñamos desperdigados pola finca adiante e puxémolos nunha mesma liña lindando cun monte de piñeiros que temos ó noso carón.

Desta maneira, creamos unha barreira natural contra o lume e os ventos.

Tamén nos deron tres pequenas ameixeiras, ás que lle fixemos un sitio nunha das últimas liñas.

Na parte da horta, a verdura, nesta época é o que impera.

Este mes xa sufrimos varios temporais, que nos levantou nunha ocasión o plástico do viveiro e varios microtuneis.

Reforzamos o invernadoiro cunhas cordas e de momento aguantou o paso de Ana, a cicloxénese deste mes.

As xeadas continúan castigándonos todas as semáns.